Bibili ka ba ng life insurance? (Part 2)


Continuation of: Bibili ka ba ng life insurance? Part 1


6. Hindi lahat ng insurance agents marunong. Hindi lahat ng insurance agents kapakanan mo ang iniisip. Tandaan, hindi pwedeng wala kang alam, kaya dapat mag-aral. At least ngayon malalaman mo na kung peperahan ka lang ng ahente mo.

6.1 Hindi lahat ng sasabihin ng insurance agent mo, totoo. Hindi lahat ng sasabihin ng insurance agent mo, tama. Isulat o i-record mo ang mga magiging paliwanag niya para maaral mong mabuti yung ipopropose niyang insurance product/s. Read the fine print and compare to his or her previous explanations. Aralin mong mabuti kung ‘yung binibigay ba niya ay pasok sa budget at kailangan mo.

6.2 May mga insurance products kung saan sila nakakakuha ng mas malaking commission. Maging listo, para ba talaga sa’yo ang inooffer niya o para sa bulsa niya. Siyempre sasabihin muna nila para sa’yo, kaya dapat alam mo. Tandaan mo, magiging long-term ang relationship mo sa ahente mo.

6.3 Bago pa bumili, interviewhin mo na ang prospect agent over e-mail, Facebook, IM, etc. Damihan mo na ang tanong, subukan mo na ng maaga ang kaalaman at ang intensiyon niya. Marami kasi diyan walang pasensiya, gusto lang talaga makabenta.

6.4 Know what to look for a good insurance company and good insurance agent. Read this, Insurance Commission’s Market Conduct Guidelines: http://bit.ly/1L4MOP0. Uulitin ko my friend, read that. 

6.5 Mag-ingat sa mga nagsasabing “financial literacy advocate” daw sila. Una, baka di naman sila financially literate para maging advocate. Pangalawa, baka advocate din ‘yan ng pyramiding ma-POWER ka lang. Ingat sa mga hidden agenda, maraming ganyan …


>> www.insurance.gov.ph

7. Kapag may reklamo ka sa insurance agent, ireklamo mo muna sa insurance company. Kapag walang action o may reklamo ka rin sa insurance company ireklamo mo na sa Insurance Commission. Mabagal sila sumagot, pero at least ngayon sumasagot. Ang point, matuto na tayong magreklamo. Tandaan niyo pera niyo ‘yan, perang pinaghirapan.


8. Kung Philippine insurance policy ang bibilhin mo, sa Pilipinas ka pumirma ng application at huwag sa abroad, kundi “void” ‘yan.

Biktima ka? Manghingi ng official acknowledgement mula mismo sa insurance company kung tatanggapin nila o hindi ang application mo and would be considered as “valid”. Kung valid, i-attach niyo ang statement ng kumpanya sa policy niyo at huwag ito iwawala. Kaya huwag pirma ng pirma, baka mamaya scammer na pala ‘yang nagpapapirma sa inyo.


9. Basahin niyo ulit ang policy niyo. Most of the time marami kayong madidiscover dun na di niyo pa alam o naiintindihan ng lubusan. Sana lang maganda ang mga madidiscover niyo. Baka madiscover niyo na mali pala ang mga nakalagay diyan sa napag-usapan niyo ng ahente mo. Kung may hindi naman naiintidihan, ask your agent to explain. Magtanong-tanong din sa iba, nandyan naman ang The Global Filipino Investors (TGFI) community to help you, baka kasi mamaya mali mali rin ang explanations ng agent mo.


10. Sa dami ng reminders na binanggit ko walang kwenta ‘yan kung kakalimutan mo. At lalong walang kwenta ‘yan kung hindi ka naman pala magpapa-insure. Hindi lang ang mga ito ang kailangan mo bilang paalala. Ito ay base lamang sa mga natutunan at naexperience ko na. Kaya huwag mo kakalimutan na pag-aralan pa ang tungkol sa insurance. Maaari ka ring magtanong-tanong sa Pinoy Insurance Talk. Again, tandaan lahat ng aking mga paalala. Kung may tanong ka, just comment below and I will try to answer.

Good luck! 🙂


Want to know more about life insurance? Read this: Mindful Pockets


Image credit: insurance.gov.ph

Bibili ka ba ng life insurance? (Part 1)

Reminders para sa mga bibili ng life insurance:


1. Huwag agad-agad susunod sa mga random recommendations. Manghingi ng recommendations pero aralin muna kung applicable ba talaga ito sa’yo, kung pasok ba budget at sa kailangan mo.


2. At bago manghingi ng recommendations dapat alam mo kung magkano ang alloted BUDGET mo, kung gaano kalaking coverage o FACE AMOUNT ang kailangan mo at anu-anong BENEFITS o riders ang gusto mo.

2.1 BUDGET – Tandaan: most insurance policies are long term commitments, dapat sure ka na yung kukunin mo kaya mong bayaran regularly and for certain number of years. Pwede kasing makansela ang policy mo kapag may na-miss kang premium payment.

2.2 FACE AMOUNT o coverage – totoong mas malaking insurance coverage at mas maraming benefits mas maganda pero siyempre may kaakibat ng presyo ‘yan, ang tanong kaya ba ng budget mo?

2.3 BENEFITS o riders – life, accident, hospitalization, waiver of premium payments—marami ‘yan na mapapakinabangan mo, ang tanong nalang ulit kung kukunin mo lahat ‘yan ay kaya pa ba ng budget mo?


3. Investment-linked (VUL) o Term? Balik sa Reminder 1. Know your options and understand them. Study different insurance products, aral muna. Gusto mo bang masayang lang ang pera mo dahil ‘di mo pala gusto o hindi pala swak sa kailangan mo ang napili mo? Ako ayoko.


4. Hindi ibig sabihin kapag nakabili ka na ng isang policy ay hindi mo na kailangan bumili pa ulit o dadagdagan. Lalaki ang pamilya mo/madadagdagan ang dependents mo, dadami ang mga ari-arian mo, at malamang kulang pa ang unang insurance coverage ang nakuha mo para sa kasalukuyang kailangan mo. Again, siyempre mas malaking coverage mas maganda. Napaisip kang kumuha na ulit? Balik sa Reminder 2.1.


5. Hindi raw lahat kailangan ng insurance. PERO,

5.1 Kung may assets ka na mahigit sa P200k in combined worth, dapat sigurado kang may pangbayad ng estate tax ang mga tagapag-mana mo. Ang combined assets na less than P200k ay kasalukuyang exempted sa estate tax.

5.2 Hindi libre mag-paospital. Siguraduhin mong may pangbayad ka o ang mga kapamilya mo. Hindi rin libre ang burol at palibing. Siguraduhin ding may panggastos ang mga maiiwan sakaling mangyari ito. Ang sad noh? Mamamayapa ka na, may gastos ka parin. Ang point is, may mga life insurance na may riders for critical illness, ibig sabihin kapag na-diagnose ka ng cancer o iba pang critical illnesses ay makakatanggap ka agad ng insurance proceeds, pwede itong magamit sa mga gagastusin mo sa ospital. At sakaling pumanaw ka, ‘wag naman muna sana, pwede ring makatulong ang matatanggap na proceeds sa mga gastusin ng pamilya mo.


Continue to: Bibili ka ba ng life insurance? Part 2


Image credit: flinsurancespecialists.com